x

Фіначна справа закінчіла дакотры контролі Баштернака

00

Finančná-správa-300x200Фінанчна справа вже закінчіла дакотры даньовы контролі в повязаню з Ладіславом Баштернаком. Уряд вже мав подля говоркыні Патріції Маціковой выдати і свої рішаня на основі тых контроль, но не конкретізовала о якы рішаня іде. Подля інформацій TV Markíza контрольовали сучасны ці бывшы компанії, в котрых Баштернак фіґуровав і перевірьовали вшыткы фірмы, через котры текли бізнісы. Має іти о недоплаток на дані у вышці 9 міліонів евр. Подля інформацій телевізії часть грошей є повязана з братіславскым комплеском Five Star Residence. Уряды то коментовати не хотять, кідьже іде о даньове тайомство.
(Петро Медвідь)