В неділю 14-го септембра на праздник Воздвиженія Честного Креста навщівив русиньске село Раківчік Высокопреосвященый владыка Йона Максим, пряшівскый архієпіскоп і митрополіта. Перед літурґійов кір Йона посвятив обновленый екстерьєр храму і новый іконостас в Церьки Покровы Пресвятой Богородіці. Владыка у своїй проповіді выразив вдячность малій громаді віруючіх, же старають ся о свій храм. На кінцю торжества адміністратор парохії Грабівчік, котрой Раківчік є філіалков, отець Марек Баран, подяковав владыкови за його участь, як і вшыткым донорам і добродітелям, котры помогли при обнові церькви.

(Медвідь, ISPA)