Цілково 178 україньскых школярів мать у своїх школах інтеґрованых Пряшівськый самосправный край (ПСК). Найвеце є їх  в Споєній школі Тараса Шевченка  з навчальным языком україньскым в Пряшові. Пресаґентуру TASR о тім інформувала  говоркыня края Даша Єленьова. Край мать у своїй зрядьовательскій компетенції 68 школ  в 13 окресох. Школярі з Україны штудують актуалні в 21 з них. Як дале Єленьова повіла, же лем в Споєній школі Тараса Шевченка з навчальным языком україньскым в Пряшові, котра мать орґанізачну часть основну школу і ґімназіюм, ся учіть 136 школярів. В основні школі є то 118 школярів а в ґімназію 18. Цілково 42 школярів было к вчерайшому дню інтеґрованых і в дальшых двадцятьох середніх школах. (TASR, Пкф)