Заступительство Пряшівского самосправного краю на своїм 21-ім засіданю в понедільок 22-го юна схвалило пропозіцію далшой етапы оптімалізації середніх школ, котры має в справованю, включно оптімалізації в окресі Меджілабірці. Ку 31-му авґусту 2021-го року буде выраджена зо сіті школ і школьскых заряджінь Ґімназія на Духновічовій уліці в Меджілабірцях і Середня фахова школа політехнічна Енді Варгола в Меджілабірцях. Од 1-го септембра 2021-го року буде зряджена Споєна школа, котра буде мати орґанізачны одділіня Ґімназія і  Середня фахова школа політехнічна Енді Варгола. Ґімназіалны класы ся перенесуть до будовы фаховой школы. Рішіня овпливнив і факт, же до першой класы ґімназії ся теперь приголосило лем 6 штудентів.

(Медвідь)