Ізраілскы атакы в пасмі Ґазы собі в ночі на днесь выжадали найменше 70 жертв, увів палестиньскый мілітантный рух Гамас. Ізраілска армада твердила, же на берегах споминаной енклавы засягла за послідніх 24 годин высше 320 цілів. Інформує о тім аґентура AFP. При разіях ізраілской армады до пасмы Ґазы вмерло  подля Гамасу высше 60 людей, з чого 17 жертв собі подля руху выжадав єдиный засяг, котрый в ночі на понеділок трафив   дом в місті Джабалійа на севері палестиньской енклавы. Днесь рано забила  ізраілска армада в часі наойновшых атаків десять людей. (TASR, Pkf)