x

Мадярьска влада дала 8 міліард форінтів на охорону перед коронавірусом

00

Мадярьска влада выділила на боротьбу проти пошырьованю нового коронавірусу понад 8 міліард форінтів, што є коло 23,8 міліона евр. В понедільок то в Будапешту оголосив Центер владной комунікації. Подля аґентуры MTI рішіня о выділіню міморядных фінанчных средств буде публіковане в уряднім вістнику. Їх хоснованя буде в згоді з наряджінями крізового штабу. Влада є приготовлена підпорити вшыткы потрібны крокы на охорону перед коронавірусом.

(Медвідь, TASR)