Европска унія абсолутно не підпорує перекресліня сучасных граніць держав на западнім Балкані. Повів то в понедільок говорця Европской комісії Ерік Мамер в реакції на документ, о котрім інформовали медії у Словенії, і котрый пропонує розпад Босны і Герецеґовины, теріторіалны здобыткы про Сербію і Хорватію, а соєдиненя Косова з Албанійов. Мамер то повів по понедільковій стрічі сербского презідента Александра Вучіча зо шефков еврокомісії Урсулов фон дер Леєновов. Вучіч ся в рамках офіціалной навщівы Бруселу стрітив з председом Европской рады Шарлсом Мішелом, шефом европской діпломації Жосепом Борреллом і окремым представительом Унії про діалоґ меджі Сербійов і Косовом Мірославом Лайчаком. Ку авторьству документу, в котрім ся перекреслюють граніці, ся нихто не приголосив.

(Медвідь, TASR)