Австрія зазначіла влони рекордных 585 антісемістьскых інцідентів. Іде о нароснутя о 6,4 процента в порівнаню з 2019-ым роком і єдночасно є то найвекше чісло за остатніх 19 років. Інформовала о тім у віторок австрійска жыдівска реліґійна общіна (IKG), пише вебсайт станіці ORF. Подля IKG свою роль притім мала і коронавірусова пандемія і з ньов повязаны демонштрації проти приятых рештрікцій, на котрых звучали і антісемітьскы высловы. Найвекша кількость тых інцідентів одбыла ся в новембрі і децембрі 2020-го року. Антісемітьскы лжи появльовали ся головно на інтернеті і споминаных протиковідовых протестах. Дотуляли ся головно релатівізації голокавсту і шыріня коншпірачных теорій.

(Медвідь, TASR)