Турція очекує од союзників з НАТО „конкретну підпору“ в конфлікті в Сірії. Почас навщівы Бруселу то в понедільок повів турецькый презідент Речеп Таїп Ердоґан. Підкреслив притім, же Турція приносить в Сірії великы жертвы. В остатніх тыжднях провінція Ідліб на северовыході Сірії стала центром конфлікту меджі Турційов, котра підпорує дакотры ґрупы повстанців, і сірійскым владным режімом підпорьованым Російов. При єдній із летецькых атак сірійскых владных сил в Ідлібі вмерло понад 30 турецькых вояків, на што Анакара реаґовала протиатаками. Інтензівнішы бої в Ідлібі выкликали нову волну біженців до Турції.

(Медвідь, SHMÚ)