x

Андрей Данко од днесь в Ізраїлі

00

Парламентна делегація на чолі з председом Народной рады СР Андрейом Данком одыйшла днесь на тройдньову офіціалну навщіву Ізраїля. Іде о реціпрочну актівіту в надвязності на офіціалну навщіву председу ізраїльского парламенту Юлійо-Йоела Еделштайна на Словакії, котра ся одбыла праві перед роком і была першов навщівов ізраїльского уставного чінителя на Словакії од септембра 2004 року. Данків робочій програм окрім стрічі з Еделштайном обсягує і приятя ізраїльскым презідентом Реввеном Рівліном і председом тамтешньой влады Беняміном Нетанягуом. Словацька парламентна делеґація ся тыж стрітне з членами парламентой ґрупы ізраїльско-словацького приятельства в Кнесеті і буде брати участь на славностнім открыті выставы о Томашові Гарікові Масарікові і уділіню памятных оцінінь ім меморіям про Йозефа Габчіка і Яна Кубіша. Делеґація нащівить і єрузалимськый памятник голокавсту Яд Вашем.
(TASR)