Будову Народной рады Словацькой републікы чекать реконштрукція заміряна на знижіня енерґетічных страт. Канцеларія НР СР выголосила обстараваня на заказку в очекованій сумі майже штири міліоны евр без дани з приданой вартости. В рамках робот має зреалізовати ся і выміна облаків а фасадных отворів. Заказка буде фінанцована із европскых фінанцій. Ставебны роботы на будові мають принести знижіня теплотных страт, зліпшіня акустічной ізолації і теплотно-технічніх свойств головной будовы парламенту. Так само будуть затепльовати ся конштрукції на меджах ґаражи і выкуруючіх частей будовы. Роботы будуть фінанцованы із джерел ЕУ в рамках Проґраму Словакія 2021 – 2027.

(Медвідь, TASR)