Грозьба зачатку пандемії в повязаню з пошырьованьом коронавірусу на цілім світі є „барз реална“. Выголосив то в понедільок в рамках медіалного бріфінґу в Женеві шеф Світовой здравотницькой орґанізації Тедрос Адганом Ґебреєсус з тым, же вірус є цілый час під контрольов, інформовала аґентура AFP. Ґебреєсус акцентовав, же бы ішло о першу пандемію в історії, котра ся дає контрольовати. Світова здравотницька орґанізація єдночасно інформовала, же понад 70 процент із вшыткых інфікованых людей в Кітаю ся вже з хвороты  вылічіло. Кітай подля Ґебреєсуса епідемію в країні діставать під контролю. Найвеце постигнутов країнов у Европі зіставать Італія.

(Медвідь, TASR)