Брусел і Київ у понедільок в рамках 21-го саміту ЕУ – Україна знова потвердили своє силне партнерство і сполочный обовязок про реалізацію комплексного проґраму реформ. Україньскый презідент Володимір Зеленьскый на саміті гостив председу Европской комісіі Джан-Клода Юнкера, председу Европской рады Доналда Туска, шефку европской діпломації Федеріку Моґерініову і еврокомісаря про сусідьску політіку Йоганнеса Гана. Участны оцінили проґрес, котрый Україна досягла в реформах. Европска комісія в повязаню зо самітом завязала ся дати 119 міліонів евр на підпору децентралізації, боротьбы проти корупції, укріпліня гражданьской сполочности і далшы реформны цілі. Новы крокы рахують і з векшов присутностьов Унії посередництвом канцеларії в Маріуполі, котра має посилнити підпору процесів децентралізації і боротьбы проти корупції в тім реґіоні.

(Медвідь, TASR)