Турецькый презідент Рецеп Таііп Ердоґан вызвав Атены, абы уможнили тісячкам міґрантам, котры увязнути на ґрецько-турецькых границях, перейти до решты Европы. Інформувала о тім аґентура DPA.  Турецькый лідер єдночасно обвинив членів ґрецькых безпечностных часті з того, же протізаконно вертають на територію Турції міґрантів, котрых тыж “бють, мучать і забивають“. Анкара уж перед тым выголосила, же члены ґрецькых безпечностных часті застрілили двох міґрантів. Атены тото тверджіня одмітнули. (TASR, Pkf)