x

Унія і NATO привітали саміт Трампа і Кім Чонґ Уна

00

Европска унія вітать саміт США і Северной Кореї як знак того, же діпломація є єдина путь на досягненя міру. Так само подля ЕУ вказує ся, же існує надія на досягненя Корейского півострова без нуклеарьных збрані. Подобно выразило ся і NATO. Шефка загранічной політікы ЕУ Фредеріка Моґерініова у віторковім выголошіню выразила ся, же то быв ключовый саміт і потрібный крок, жебы могло далше будовати ся на позітівнім розвитку, котрый вже зачав у меджікорейскых односинах. Політічка підкреслила, же конечным цільом є „тотална, овірительна і незмінна денуклеарізація“. Североатлантічна аліанція так само вітать історічну стрічу америцького презідента і северекорейского лідра. У віторок то повів ґенералный секретать аліанції Єнс Столетенберґ. Kу саміту выразив ся і шеф Орґанізації зъєдиненых народів Антоніо Ґутерез. Тот апеловав на тоталну і доказетельну денуклеарізацію. Ґутерез іщі перед самітом написав писмо обидвом лідрам і у віторок повторив, же тота путь буде выжадовати співпрацу, компроміс і сполочный інтерес.
(TASR)

Фото: TASR/AP