На третій по порядку Народній стрічі молодежі, котра ся зачала уж днесь і буде тырвати до неділі орґанізаторы очікують вецей як 4000 участників. Помічну руку при выше дворочных приправах дав за словами Леї Гайловой з одділіня комунікації і меджінародных односин Пряшівского самосправного края і ПСК. Як про пресову аґентуру ТАSR повів председа ПСК Мілан Маєрьскый: „Єм барз рад, же ПСК міг быти напомічный в приправній етапі стрічі. Выналожыли сьме махималне снажіня. Зато вірю, же у фіналі буде вшытко так, як мать быти молоды люде ся будуть у нас чути приємні“. Маєрскый окрім іншого іші повів, же Пряшівскый самосправный край окрім уквартируваня поміг орґанізатором П18 і з технічным забезпечіньом стрічі. Народну стрічу молодежі П18 орґанізує Католицька церква на Словеньску в сполупраці з містом Пряшів і Пряшівскым самосправным краём. Іншпіраціёв суть Світовы дні молодежі, котры ся по першый раз одбыли в 1986 року в Римі на імпульз св. Яна Павла ІІ. Молоды ся на тых днях в Пряшові будуть приправувати на Світовы дні молодежі, котры ся одбудуть в януарї 2019 року в Панамі.
(TASR)