В Пряшові ся 24. юла одбыла робоча стріча з уповномочненым СР про народностны меншыны Ласлом Буковскым і штатным таёмником Міністерства школства Петром Крайняком. Темов діскусії была візуална двоязычность в практіцї і прирпава на реалізацію двоязычности в адміністратівній сферї – в штатній справі і самосправі. „Візуална двоязычность є на уровни верейной справы скоро 100-процентна. Дотулять ся то як штатной справы, так і самосправы. Другым вопросом є, ці робітници тых орґанів овладають тот язык. Думам, же там є даякый недостаток, в тім плануєме і даякы проактівны крокы, як наприклад школїня робідників штатной справы в народностнім языку. Тото саме плануєме і про робітників сільскых урядів. Маєме конкретну пожадавку з окресу Меджілабірцї,“ повів уповномоченый про меншыны Ласло Буковскый. Припомянув, же Словацька пошта, буде поступно запроваджовати двоязычне означіня своїх центрів.
(TASR)