Словакія підтримує, абы собі ЕУ становила ціль досягнути до 2050-го року угликову неутраліту. Премьєр Петер Пелеґріні то выголосив у вівторок по стрічі з презідентков СР Зузанов Чапутовов, котра тот крок привітала.  На досягнутя угліковой неутраліты до року 2050 владу СР вызвало і вісем зо 14 словацькых европосланців. На одношіня Словакії ся за словами Пелеґрініго інтересував і ґенералный секретарь OSN Антонійо Ґутерес. Як далі премьєр Пелеґріні повів „Словакію собі выбрав як єдну з країн, котру контактовав іщі перед тоготыждньовым самітом лідрів EÚ, абы сьме підтримали  EÚ в амбіціознім цілі угліковой неутраліты нашого господарьства до року 2050. Увірив єм його о нашім позитивнім одношіню к дані проблематіці і же будеме го презентовати на стрічі Рады EÚ, правдаже, презідентка потім на септембровім кліматічнім саміті лідрів штатів в Ню Йорку.“  (TASR, Пкф)