Русиньска оброда на Словеньску, єй Містна орґанізація у Свіднику на челі з председом Ярославом Фецушом, Піддукляньска бібліотека і Обчаньске зрдружіня Про Рутенія у Свіднику орґанізують днесь културно-освітню подію під назвов Жывот і діло Енді Варгола. Акція ся одбуде  днесь о 16.30 год. в просторах свідницькой Піддукляньской бібліотекы. Орґанізаторы запросили на подію цінных гостів – Мартіна Цубяка, директора Музею модерного уменя Енді Варгола з Меджілаборець, оперного співака Іґора Куцера, котрый награв ЦД русиньскых співанок, якы Енді Варголови наспівала його мати Юлія, але і Александру Кеселіцову, дівку небіжчіка Осифа Кеселіці, котрый быв великым любительом і зберательом вшыткого, што было повязане з меном краля поп-арту Енді Варгола.  (А. Кузмякова)