Пряшівскый самосправный край (ПСК) хоче помочі в розвитку турістичного руху в найрусиньскійшім окресі в рамках Словакії (понад 60 процент жытелів окресу). Оправить ся Музей модерного уменя Енді Варгола, купить ся турістічный влак, оголосив то председа ПСК Мілан Маєрьскый почас свого выїздового засіданя в Меджілабірцях, котре проходило в середу 27-го марца 2019-го року. Інформувала о тім словацька пресаґентура SITA. Головныма темами засіданя были оправа драг, дуална освіта і споминана підпора турізму. Головным цільом было выслухати собі представителів верейной справы, де видять найвекшы проблемы і де про зміну потенціал розвитку того окресу, котрый належыть меджі найменше розвинуты окресы Словакії. (Лем.фм, Пкф)