Цільом робочой навщівы председы Пряшівского самосправного краю (PSK) Мілана Маєрьскогов Меджілабірцях є діалоґ зо старостами сел і подникателями окресу о їх проблемах, потребах і помочі. На стрічі, котра ся зачала днесь о 10.30 год.  на Містьскім уряді в Меджілабірцях брали участь нелем старосты сел і пріматор міста Меджілаборець, але і посланці PSK за Меджілабірьскый окрес, заступцове общой справы, ключовых компаній, директоры орґанізацій, котрых зрядьовательом є PSK і вшыткы вызнамны актеры туристичного руху з Меджілабірьского окресу. На стрічі быв окрес представленый з погляду різных економічно-соціалных факторів з акцентом на задачі края в розвою даного реґіону і на ключовы темы, на котры мать крайска самосправа досяг. Стріча дала простір і на конзултації к дотаціям з джерел Пряшівского самосправного края і Европской унії. Проґрам председы PSK Мілана Маєрьского быв конціпованый як цілоденна навщіва Меджілабірского окресу, в котрій ся рахувало і з навщівов різных інштітуцій. Мілан Маєрьскый такым способом навштівів меджілабірске ґімназіюм, Музей Модерного уміня родины Варголовых і Центрум соціалных служб Дуговый сен в Калинові. (Пкф)