Депутаты Европского парламенту в понедільок выслухали Жосепа Борелла із Іспанії, котрый бы мав у новій Европскій комісії мати посаду підпредседы і высокого представителя про загранічны діла і безпечностну політіку. Подля аґентуры AFP почас выслухованя выразив Борелл пересвідчіня, же Унія бы мала продовжовати в санкціях проти Росії аж до фундаменталной зміны російской позіції у вопросі анектованого Криму. Окрім того підкреслив свій задум актівно ся залучіти до реформ на западнім Балкані, підтримовати Україну, рішыти проблемы в южнім сусідстві Унії, розвивати односины з Африков, Азійов, Латиньсков Америков і обновити співпрацу з Вашінґтоном.

(Медвідь, TASR)