Блокованя містностей на голосованя на російскій амбасаді в Києві і на конзулатах в Одесі, Львові і Харкові почас презідентьскых выборів в Росії потверджує, же на Україні суть расізм і ненависть важнішы, як державна політіка. Повіла то в понедільок на засіданю Рады Орґанізації зъєдиненых народів про людьскы права у Женеві представителька російской делеґації Крістіна Сукачевова, котру цітовала аґентура ТАСС. Із десяток тісячів Росіянів, котры жыють на Укрїані, могли в неділю голосовати лем тоты, котры мають діпломатічны паспорты. Ку вступу до містностей голосованя людям боронила поліція, Народна ґарда і членове націоналістічного Правого сектора. Київ тым протестовав проти того, же выборы проходили і на анектованых теріторіях – в Автономній републіці Крим і в Севастополі. Путін в неділю переміг зо здобытьом коло 77-ох процент голосів, што є його рекорд. Веце меджінародных орґанізацій і російска опозіція звернули увагу на то, же коло выборів были порушованы людьскы права і на многых місцях наголосили маніпулації.
(TASR)