Міністерство праці, соціалных справ і родины СР проінвестовало до підпоры заместнаня на Земплині од октобра минулого року через проєкт Хоп ся свойой шансы веце як 2,9 міліона евр. В рамках Першой помочі заместнавательом, робітникам і жывностникам в часі коронакрізы аж до марца того року тыж в згоднім реґіоні выплатило вєдно 139.293.037 евр. Про пресаґентуру

TASR то резорт праці увів в реакції на тверджіня старостів і пріматорів земплиньскых міст і сел о неінтересі штату о тот реґіон і довгодобо хыбаючіх робочіх можностях. На вытворіня новых робочіх можности служыть наприклад проєкт Хоп ся свойой шанці. “Понукать фінанчну поміч заместнавательом на вытворіня робочіх місць про зневыгодненых кандідатів о роботу і про молодых кандідатів до 30 років, але і їм самым на зачатя властного подниканя,“ выяснив резорт з тым, же од октобра минулого рока ся завдякы ньому в окресох Вранів над Топльов, Міхалівці, Собранці, Требішов, Гуменне, Снина, Меджілабірці і Стропків вытворило вєдно 767 новых робочіх місць. (TASR, Пкф)