Росія і Україна собі в понедільок вымінили довєдна понад 200 войновых плінных. Російске Міністерство обороны інформовало, же з теріторії овладаной україньскыма силами до Росії вертать ся 106 російскых вояків, котры были „плінны і в смертельній небезбеці“. Ведучій канцеларії україньского презідента Андрій Єрмак потвердив, же дішло ку выміні плінных, в рамках чого домів вертать ся 100 Українців. Подля Єрмака меджі нима суть вояци, наморници і гранічна сторож. Меджі пропущеныма суть за словами Андрія Єрмака оборонці Маріуполя, Азовсталю і Гостомеля, котры суть важно зранены і хворы. Додав, же пріорітов презідента Володиміра Зеленьского є, жебы домів вернули вшыткы Українці.

(Медвідь, TASR)