x

Презідент Серґіо Маттарелла одмітнув прияти демісію премєра Маріа Драґгіго

00

Італійскый презідент Серґіо Маттарелла вчера вечур одмітнув прияти демісію премєра Маріа Драґгіго. Інформує о тім пресаґентура TASR на основі справы аґентуры AFP. Подля інтернетовых новинок Corriere della Sera рекомандував презідент Драґгіму, абы ся обернув на Посланецькый сейм і в голосуваню собі овірив, ці його влада діспонує парламентнов векшынов. AFP пише, же к тому бы могло прийти на будучій тыждень. Рядны парламентны вольбы бы ся мали одбыти на будучій рік в ярі. Як ся укаже, же Драґгіго влада небуде способна продовжувати, презідент якбач розпустить парламент і выголосить передчасны вольбы. Тоты бы ся потім могли одбыти в септембрі. (TASR, Pkf)