Місто Снина реалізує проєкт на злїпшіня жывотного окружіня в локалітї Кострубань а превенцію взнику нелеґалных складок. Як TASR інформовав Славомір Штофік з канцеларнї пріматора, самосправа здобыла дотацію у вышцї 11.000 евр од Уряду уповномоченого влады СР про ромскы комуніты. ,,Головным цїлём проєкту є підвышыти якость жывота жытелїв марґіналізованых ромскых комуніт в локалітї Кострубань в области охраны жывотного окружіня з напряменём на передходжаня взнику жывот і здравя огрожуючіх сітуацій,“ увів Штофік. Проєкт ся складать з двох головных частей, з выставбы нового контайнерового стоїйска і едукачных актівіт напряменых на енвіронменталну свідомость жытелїв локаліты. Едукачна часть загорнює і одстранёваня єствуючіх чорных складок.

(TASR, Шутіова)