Екстремізмус зазначів на Словакії за послідніх девять місяців того рока прудкый наріст. “Зачате карне пронаслідуваня в справах про карны поступкы екстремізму зазначіли прудкый наріст в чіслах, што выпливать і зо штатистикы к 30 септембру. Зачатых было 130 карных пронаслідувань в справах екстремізму. Обжалованы были двоє чоловікы, догоду о вині і карі заперли двоє чоловікы і єден чоловік быв одсудженый,“ увела то про Прес-аґентуру Словацькой републикы Яна Тыкылійова, говоркыня Уряду шпеціалной прокуратуры. На основі єй слов фурт домінує проблематіка карных поступків правіцового екстремізму, неофашізму, як і ряд ненавістных карных поступків проти прислушникам ромской ці жідовской комуніты.
(Петро Кімак-Фейко)