Роботы на будованю далничного тунела на севері Словакії бы могли прискорити. Ознамив то вчера на бріфінґу в Гуменнім міністер транспорту Йозеф Раж. Підчеркнув, же то є повязане з барз тяжков сітуаційов на дразі під Стречном. Тунел Вішньове є частьов трасы D1 Lietavská Lúčka – Dubná Skala, котрый є в процесі будованя. По докінченю понукне шофером 13,5 кілометра новой далниці. Тунел творить веце як половину цілой ставбы, цілково 7,5 кілометра, і буде найдовшым на Словакії. (TASR, Pkf)