x

Новый русиньскый документ – Воскресеніє народа

00

На Великій сцені Театру Александра Духновіча в Пряшові в суботу 29-го юна мав премєру інтересный i вызначный документарный філм під назвов Воскресеніє народа. На премєрі філму, окрем його авторів – Джона Ріґеті, шефа Корпорації русиньскых орґанізацій в Споєных штатах Америкы і Марії Сілвестрі, брали участь многы Русины із Споєных штатів Америкы, Польщі, Україны і Словакії, але і участници 10-го річника Меджінародной літньой школы русиньского языка. Основна ідея документу є воскресіня Русинів по новембровых подіях 1989-го року, а то нелем в европскых країнах – бышой Чехословакії, Польщі, Мадярьска, бывшой Югославії, але і в Споєных штатах Америкы. В документі о возроднім процесі бісідують русиньскы актівісты з різных країн, котры тот процес „воскресенія народа“ пережыли на властній скорі. Як інформовала авторка філму Марія Сілвестрі, документ буде занедовго доступный в сервісі YouTube. (А. Кузмякова)