x

Од суботы ходять сезонны влакы через Лупківскый тунел

00

Желізніці і тот рік спустили сезонны турістічны особны влакы, котры ходять почас вікендів од 29-го юна до 1-го септембра меджі Саноком і Меджілабірцями через Лупківкскый тунел. З Меджілаборець ходить влак кажду суботу о 10.31 год. і 17.48 год, в неділю лем о 17.48 год. Без переступу недільный влак продовжує аж до польского Ряшова. Зо Саноку влак до Меджілаборець ходить в суботу о 8.35 год. і о 15.54 год. В неділю іде влак з польского боку лем о 8.35 год. Ціна тікету є 3,20 евр. Желізніці і такым способом хотять посилнити турізм на словацько-польскій граніці. В Меджілабірцях турісты найвеце навщівлюють музей Варгола.

(Медвідь)