Електрикарї припоминають маїтелям землі, абы собі в тім періоді незабыли орізати стромы і крякы під електричным веджіньом. Конарї в близькості веджіня можуть быти причінов выпадку електрикы і быти причінов многых шкод. Попередив о тім говорця компанії Стредословеньска дістрібуція Мірослав Ґейдош. Як далей повів, „наша компанія вызывать вшыткых, котры мають на своїх землях вздушны електричны веджіня, абы вырізали вшыткы тырвалы порасты высшы як  три метры, котры роснуть під веджіньом, в припаді і його охранного пасма. Закон о енерґетікі до того завязує нелем вшыткых ґаздів землі – приватны і правницькы особы, але і самосправы. Конарї перероснуты через веджіня можуть быти прічінов порухы, выпадку електричной енерґії і пожару. Огрожують дістрібучну сістему, близькый маєток а в неопосліднім ряді і безпечність людей.“ (TASR, Pkf)