Дім пензіон має взникнути в будові бывшой матерьской школы на Дубнику в Гуменнім. Уже ся зачали роботы на ёго выставбі. Як інформовала Михаела Доханова з тлачового реферату Містьского уряду в Гуменнім, мав бы мати капаціту скоро 50 людей. Найперше бы мали быти демонтованы вшыткы выгляды і дверї, обводовы панелы і стїны, выбуряти ся мають і внутрїшнї стїны а одстранены бы мали быти і підлого а ґарадічі з южного боку будовы. Наслїдно зачне їх реконштрукція, затеплїня і технічны іншталації. Реконштрукція буде гуменьску радніцю стояти выше 1,8 міліона евр. Нове заряджіня буде приправлене прияти 48 сеніорів в єдно і двойложковых ізбах. Роботы бы мали быти завершены до кінця октобра 2019 а заместнаня бы ту наслїдно мало найти коло 20 людей.
(Korzar, Цітрякова )