x

Колбівцях бы ся і в року 2019 мало дарити

00

В долині де ся находять такы села як Якушівці, Солник, ці Корункова ся найвецей зо вшыткых дарить селу Колбівцям. Є то дане головне чіслом і штруктуров обывателів. Днесь в Колбівцях жыє выше 190 жытелів і з даного чісла половину творять люде молодшого і продуктівного віку. Абы зо село што найменше молодых людей одходило, веджіня села ся снажить головно через проєкты з атрактивнити Колбівці. Прикладом того суть актуалны проєкты. Як про наше радіо русин фм староста села Марек Антош повів, „подали сьме далшый проєкт на енвірофонд докончіти ріґоло-шанц в селі, же бы было одводнене ціле село і хранене перед великыма водами, дале маме поданый проєкт на выствабу дітьского гріска при метерьскій школі врамках проґраму розвоя реґіону. Тепер спрацюваваме проєкт на выствабы новой дорогы к цвинтарю, де є тяжкый приступ, проєкт комунітного центра про Ромів, проєкт выставбы компостовиска в селі і будучій рік бы сьме хотіли подати проєкт і на выставбу фітнес центра про молодых людей нелем з нашого села, але і цілой околиці.“
(Кімак-Фейко)