Европска унія хоче быти частьов такзваной Рады міру, котра бы по войні справовала Пасмо Ґазы, выголосила в понедільок высока представителька ЕУ про загранічну політіку Кая Каллас. Председом рады має быти америцькый презідент Доналд Трамп а членом бывшый брітаньскый премєр Тоні Блаір і далшы лідеры. Подля Каллас має Унія велику роль і мала бы быти при тім. Повіла, же ЕУ додає гуманітарну поміч Палестінчанам, і має міцны капчаня з Палестіньсков самосправов і Ізраільом. Америцькый презідент минувшый тыждень по стрічі з ізраільскым премєром Бенъяміном Нетанъягу представив 20-пунктовый мірный план на закінчіня войны в Пасмі Ґазы. В рамках нього ся рахує і з Радов міру, котра бы дозерала на „технократічный, аполітічный палестіньскый комітет“, якый бы по войні справовав Пасмо Ґазы. Гамас ани іншы мілітантны ґрупы на тім не мають брати участь.

(Медвідь, TASR)