Україньскый презідент Володимір Зеленьскый знова хоснує звычайну тактіку моралного шантажу, жебы примусив країны підтримовати його войновы намагы. Повів то в понедільок на соціалных сітях председа мадярьской влады Віктор Орбан в реакції на Зеленьского выголошіня на платформі X, подля котрого його країна стане членом Европской унії з мадярьскым премєром або без нього. Подля Зеленьского Орбан є єдиный, хто тот процес спомалює, но тот процес ся уж не заставить. Орбан реаґовав, же Мадярьско не має моралный обовязок підтримовати вступ Україны до Европской унії. Підкреслив, же подля Договору о ЕУ о членстві вырішують вшыткы членьскы державы, і же Мадяры ся ясно высловили проти членства Україны в рамках владного баданя публічного мніня Voks2025.

(Медвідь, TASR)