Веце як 10.000 жычлівців серьбского презідента Александера Вучіча ся вчера зышло в Белґраді на мітінґу на підпору його політікы по році противвладных протестів. Подля свідків британьской аґентуры Reuters ішло о найвекшый провладный мітінґ в тім  році, але їх чісло і так остало низше як на суботній великій протікорупчній демонштрації, де прийшли десятьтісячі штудентів і активістів. Підпорователі, з котрых многы пришли до серьбского главного міста автобусами орґанізованыма Вучічoвов партійов, ся згруповали перед будовов парламенту. Мавали сербскыма влагами, скандовали „Вучіч, Серб” і „Сербія”, прото, же з репродуктoрів звучали патріотічны пісні, приближыла атмосферу аґентура. (TASR, Пкф)