Одборовый союз польскых учітелїв  у четверь вырїшыв перерушыти цїлоштатный штрайк за высшы платы, котрый быв скоро три тыжднї і огранiчiв дїяня векшыны школ. Протестну подїю планують учітелї назад обновити в септембру, інформовала о тім аґентура АФП. Учітелї сповнїня своїх пожадавок недосягли. Шеф союзу польскых учітелїв Славомір Броніарз новинарям на марґо того у четверь повів, же польскый преміер Матеус Моравіецкі одіґноровав пожадавкы высше пів міліона польскых учітелїв. ,,Пан преміер Моравіецкі, даваме вам час до септембра. Чекаме на конкретну пропозіцію рїшіня з вашой страны“  повів Броніарз. Учітелї жадали 30- процентне підвышіня платів. Влада твердить, же на підвышіня платів о 30 процент не мать в розрахунку средства і нукать 15 процент в комбінації з передовжінём робочого часу. Одборари таку понуку одмітли.

                                                                                                  (TASR, Шутіова)