Папа Франціск в понедільок прияв словацького премєра Петра Пеллеґріні з делеґаційов почас його офіціалной навщіві Святого престола. Пеллеґріні почас авдієнції передав найвысшому представительови Католицькой церькви дары зо Словакії – вырізаваный віфлеєм з Оравы і скляняный крест зображуючій Сімстрастну Діву Марію, покровительку Словакії. Премєр по стрічі повів, же з Папы іде велика харізма. Стріча ся із планованых 15-ох минут натягла на 40 минут. „Я собі то можу лем безконечно цінити, же єм так заінтересовав Святого Отця, же мі присвятив тілько свого цінного часу. Тішу ся тому. Є то про мене величезна честь, котрой ся мі днесь тым дістало,“ повів премєр.

(Медвідь, TASR)