x

Нутне мінімум шпиталів на Словакії є 32, респективно 46

00

Міністерка здравотницьтва СР Андрея Калавска нерахує з тым, жебы у звязку з планованов реформов здравотницьтва, тзв. стратіфікаційов словацькых шпиталів, прийшло до того, же бы дакотры шпиталі заникли. Повіла то в недільняйшій релації RTVS О пять мінут дванадцить. „Нутне мінімум шпиталів є 32, респективно 46. У выголошіню сьме задефіновали яке чісло і в якім часі будеме потребувати інтерны, хірурґічны, ортопедічны ці ґінеколоґічны ліжка і так далей. В дакотрых шпеціалізаціях буде 32 шпиталів і мало. То значіть нерахуєме з тым, жебы дакотры шпиталі заникли або ся значно репрофілізовали,“ повіла шефка резорту. (ТАСР, Пкф)