При охороні жывотного оточіня буде Здружіня самосправных країв – SK8 поступати довєдна. В понедільок ся на тім в Кошыцях договорило сім председів самосправных країв, котры підписали Зеленый меморандум. Председа здружіня і єдночасно председа Тырнавского самосправного краю Йозеф Віскупіч повів, же покля хотять реґіоны войовати проти неґатівных впливів на країну, мусять в першім шорі приступити до їй ревіталізації. „Маю надію, же такзваный кошыцькый Зеленый меморандум значіть і буде значіти то, жебы сьме в нашых краях і в рамках нашых компетенцій помогли заставити і обернути процес, котрый ліквідує жывотне оточіня, припадно, жебы сьме тоты процесы наштартовали. Тема стала цілоевропсков і треба, жебы сьме єй нелем спринимали, а і забезпечіли направу,“ повів Віскупіч. На меморандумі ся председове, окрім председы Тренчанського самосправного краю, договорили минувшый рік. Ініціатором быв Кошыцькый самосправный край, котрый уж прияв Проґрам обновы країны.

(Медвідь, TASR)