За десять років існованя проґраму Выходне партнерство ся подарило много досягнути, высловив в понедільок позіцію Европской унії шеф слоцацькой діпломації Мірослав Лайчак. Выразив ся по стрічі міністрів загранічных діл ЕУ зо своїма резортныма колеґами з країн Выходного партнерства в Бруселі. „Вшыткы сьме были згодны, же то добрый проґрам і з конкретныма резултатами. Істо бы ся дало досягнути веце, але і то, што ся досягло, є штось, з чім можеме быти спокійны. Є ту ясна діференціація країн, де є треба, жебы сьме мали таку візію до будучности, котра бере до відома їх амбіції подля того, до якой міры хотять приближыти ся ЕУ,“ пояснив Лайчак. Подля його слов є ясне, же перспектіва членства в Унії не є про тоты державы на проґрамі дня, але є ту хосенный простор меджі тым, што ся досягло, значіть асоціачныма договорами і членством в Унії.

(Медвідь, TASR)