Коаліція дале продовжує в їднанях о далшім пакунку консолідачных опатрінь. Актуално ся находить приближно в третій четвертині їднань. Тото увів в середу по засіданю коалічной рады міністер фінанцій СР Ладіслав Каменіцкый (Smer-SD). Цільом є подля нього пониженя дефіціту публічных фінанцій на 4,1% з брутто домашнього продукту. „Мы сьме ся договорили і дякую і іншым колегам, же не будеме коментовати ниякы з оптрінь, о котрых ся їднать. Тото буде комплексне, бо, самособов, дакотры опатріня, котры сьме і передтым запропонували, ся уж в тых опатрінях не находять,“ повів Каменіцкый. Тыж додав, же были представлены і новы опатріня, котры буде резорт фінанцій аналізовати. Коалічна рада бы мала в їднаню продовжувати в понедільок (25-го авґуста). (TASR, Пкф)