Презідентка Словацькой републікы Зузана Чапутова в понедільок 12-го юна, коли святкує ся День Русинів Словакії, поздоровила Русинів у своїх постах на соціалных сітях. Голова державы навщівила русиньску комуніту в Братіславі, кедь пришла меджі членів Фолклорного ансамблю Рутенія. Чапутова написала, же чула меджі Русинами гордость, надхненя і соналежность. Подяковала Рутенії і вшыткым русиньскым културным орґанізаціям, здружіням і колектівам, же вдяка ним є русиньска култура така жывотаспособна і робить Словакію богатшов.

(Медвідь)