Урядницькый кабінет премєра Людовіта Одора в понедільок схвалив своє Проґрамове выголошіня влады. Передложыть го до парламенту на схваліня, но шансы, же влада дістане довіру од Народной рады Словацькой републікы, є мала. Транспарентны і безпроблемовы вольбы, боротьба проти гібрідных огрожінь і дезінформацій, як і внутрішній порядок, рішуча боротьба з кріміналітов і продовжованя в намагах о очіщіня публічного жывота суть пріорітами Одоровой влады у проґрамовім выголошіню. Кабінет хоче так само далше підтримовати Україну а забезпечіти на оборону країны вытраты в сумі мінімално двох процент грубого домашнього продукту.

(Медвідь, ТASR)