Од септембра мать на Словакії фунґовати 32 реґіоналных центрів підпоры учітелів (RCPU). Ку уж існуючім 16 прибуде дальшых 16. Про пресаґентуру TASR то потвердили з Міністерства школства, наукы, дослідженя і шпорту СР. Цільом споминаных центрів є дати учітелям в реґіоні індівідуалне пораденство і поміч з переходом на новый учебный матерял і іноватівны методы едукації, котры надвязують на курікуларну реформу. На Словакії мать быти вєдно 40 реґіоналных центрів підпоры учітелів. Решта вісем мать зачати свою роботу од септембра 2024-го року. (TASR, Pkf)