Найменше 330 людей было вчера арештованых в Парижі, де ся протестуючі на меджінародне Свято праці достали до конфлікту з поліційов. Інформували о тім містьны медія і пізніше пресаґентура DPA. Поліція схосновала слызотворный плін і оглушуючі ґранаты на розогнатя ґрупы насылных радікалных демонштрантів, котры в южній часті Парижа шмаряли каміня і іншы предметы. По цілій Франції на демонштраціях, за інформаціями містьных урядів, орґанізуваных одборовыма союзмі, брало участь найменше 164.500 людей, з них 28.000 в Парижі. Медія але одгадують, же чісло участників  в Парижі было коло 40.000. (TASR, Pkf)