Міністер школства, наукы, баданя і шпорту СР Бранїслав Ґроглінґ (SaS) вірить, же од септембра будуть знати давати стабілізачны приспівкы. Твердить, же мусять приступити ку тому, жебы ся підвышыло огодночіня заместнанцїв в школстві, спустили ся не лем стабілізачны, але і остатнї приспівкы, котры обіцяли перед вольбами. Почас остатнёго дня в школьскім роцї 2021/2022 в Гуменнім увів, же іде о єдину можность, як застабілізовати учітелїв єднотливых предметів. В повязаню з выєднаванём школьскых одборарів ку темі высшых платів вірить, же ся догоднуть а в септембру не дойде ку штрайком. Пропонованый єдноразовый приспівок у вышцї 500 евр про заместнанцїв штатной і верейной справы є подля нёго лем ,,міморядна оцїнка“. Мы бы сьме мали перетавити тоты фінанчны средства до таріф, на основи котрых будуть мати вшыткы заместнанцї школ підвышене своє огодночіня,“ додав.

(TASR, Шутіова)