x

Словакія 1. юла перебере председництво у Вышеградьскій штирцї

00

Словакія днесь, в пятніцю 1.юла, перебере в порадю уж шесте председництво у Вышеградьскій штирцї (В4). Председати буде до юна 2023 року. Пріорітами країны будуть штири тематічны области – перепоїня, економіка, утримательность і люде. Выходить то з проґраму председництва СР у В4. ,,Словацьке председництво у В4 надвяже на пріорітны ініціатівы в рамках стратеґічных цїлїв вызначеных протягом попереднїх председництев з акцентом на ясный приспівок ку сполочным европскым рїшіням а з практічным позітівным досягом на обчанів,“ увело Міністерство загранічных дїл і европскых належностей СР. Резорт діпломації підкреслив, же позераючі на проходячу войну на Українї мусить быти сполупраца країн веце як будьколи передтым заложена на прінціпах дотримованя людьскых прав, слободы, демокрації, правного штату, добрых сусідьскых одношінь і одданости ку европскій інтеґрації а трансатлантічній сполупрацї.

(TASR, Шутіова)