Першого апріля в Шарішскій ґалерії у Пряшові завершыли 24-ый річник меджінародного змаганя кресленого гумору на тему пиво – Злата бочка 2018. Найвысше оцініня Велику ціну – Grand Prix в змаганю здобыв польскый карікатуріста Даріус Дабровскый. На основі рішіня одборной пороты 1. ціну здобыв Moймір Miгaт з Хорватії, другу Валерій Taрaсенко з Росії а кресба Русина Осифа Сторіньского з Татраньской Котлины, родака з Біловежы, выграла третє місце. Як повів орґанізатор змаганя, знамый карікатуріста Федор Віцо, в тім році пришло до змаганя 441 кресб oд 154 aвторів із 37 штатів, што свідчіть о тім, же цілосвітовый інтерес авторів о Злату бочку не упадать, хоць не мать жадну рекламу. Найліпшы кресбы з тогорічной Златой бочкы можете видіти на выставі в Шаріскій ґалерії до кінця апріля.
(А. Кузмякова)